FK App til fartelefonina

FK hevur latið gera eina sonevnda App, ið kann nýtast til smart-fartelefonirnar iPhone og til tær, ið nýta Android stýriskipanina.

Sum ein lið í marknaðarføringini hevur FK latið gera eina App, sum ger tað møguligt hjá kundunum at lesa tilboðsbløðini og aðra kunning frá FK á fartelefonini. Okkum vitandi er hetta fyrsti matvøruhandil í landinum, sum hevur fingið sær eina App, ið virkar bæði til Apple og Android fartelefonirnar.
Umframt vikuligu tilboðini frá FK verður kunnað um FK-handlarnar, upp- og afturlatingartíðir, adressur og telefonnummur, hvørjir deildarstjórarnir eru o.s.fr. Harumframt verður kunnað um sjálvan felagsskapin FK, um tað fjølbroytta vøruúrvalið hjá FK, vistfrøði, matarvarðan, visiónina hjá FK, og hvat matstovan í FK í Hoyvík hevur á skránni.
FK App er at finna á bæði AppStore og Android Market. Við at skanna hesa kotu inn við einum QR skannara á tínari fartelefon verður tú vístur beinleiðis til stað at heinta niður FK app á tína fartelefon, líka mikið um tú nýtir iPhone ella fartelefon við Android stýriskipan.
Tú kanst eisini fara beinleiðis inn á AppStore (iPhone) ella Android Market og skriva Føroya Keypssamtøka í leititeigin. So finnur skipanin sjálv fram til FK App.

Tað er teldufyritøkan hallo.fo, sum hevur staðið fyri at menna App-ina. Hallo.fo hevur áður gjørt App-ir til m.a. G-festivalin og Tórshavnar kommunu.

QR-kotan, sum verður skannað inn við QR-lesaranum á tínari fartelefon. So finnur telefonin sálv fram til FK Appina, tað veri seg á Appel Store ella Android Market.