60 ára heilsan til FK-deildina í Tórshavn

Handilin hjá FK í Dr. Jacobsensgøtu í Havn.

Tá Keypssamtøkurnar byrjaðu í Før­oy­um, vóru tað altíð staðbundnar eld­sál­ir, ið tóku seg saman um stovnanina. Soleiðis var eisini í Havn, og nógv fólk vóru íðin at fáa eina keypassamtøku setta á stovn. Í nevnd­in, sum fyri­reik­aði stovnanina av Havnar Keyps­­sam­tøku í 1951-52 vóru: Heri Ham­arsá, Christian Haraldsen, Erik Sim­on­sen, Jógvan Poulsen, Louis Apol og Karsten Hoydal. Hesi tóku stigið og tóku upp samband og samstarv við ein hóp av øðrum góðum fólkum. Í fyrstu nevndina eftir stovnanina í 1952 vórðu valdir Christian Haraldsen, formaður, Heri Hamarsá, Louis Apol, Martin Kúrberg og J.P. Hendriksen.

Bogi Vík er deildarstjóri í FK í Dr. Jakobsensgøtu.

Deildin í miðbýnum í Havn hevur altíð verið ein av okkara bestu, tó at umstøðurnar ikki altíð hava verið av teim­um bestu. Deildin er ein sokallaður nærhandil og hevur framvegis góðar stuðlar í nærumhvørvinum. Hettar er at fegnast um og vónandi verður eis­ini soleiðis í framtíðini. Eg vil ynskja hand­ils­ligu leiðsluni, starvsfólkum og lima­deildarnevndini alt tað besta í framtíðini og hjartaliga til lukku við teimum 60 árunum.
Í limaevndini í FK í Havn eru Jákup Danielsen formaður, Erling Jørgensen næstformaður, Turið Holm, Dania Lamhauge og Rókur Dalsgaard.

Rói Eliasen
Stjórnarformaður FK