Fagra blóma, tú sum prýðir…

Tá blómumarknaðurin við FK í Dr. Jakobsens gøtu byrjar, er tað fyri mong, eitt afturvendandi tekin um summar. Meingið av litum og formum prýða trappuna og hendan steinsetta blettin í býarrúminum.

Tær báðar bronsukvinnurnar tykjast fagna vakurleikanum og stuðla undir gerandis prátinum undir teimum. Tað, ið byrjaði sum ein spøk roynd við støkum pottum, er í dag ein aldingarður av alskyns platum.

Fræ, leykir, staudur, runnar og trø. Antin tú hevur skil fyri plantum ella ikki, so er ringt ikki at verða ovfarin av meingi og gróðuri. Her kanst tú velja millum summarplantur, ið liva stutt og inniligt og so aðrar, ið liva seigliga í áravís.