FK gevst at selja búregg

Tann 15. juni broytir FK sín handilspolitikk og tá fara egg undan búrhønum, sonevnd búregg, ikki longur at vera partur av vøruúrvalinum í FK.

Í staðin verður úrvalið savnað um vistfrøðilig egg og skaviegg.
 
Broytingin í handilspolitikkinum er liður í norðurlendskari menning av djóravælferð.

Um tað kemur fyri, at okkara veitarar av eggum ikki fáa levera, kann vera neyðugt at keypa tey egg, ið fáast í føroysku heilsølunum, hetta er tó bert í hendinga føri.