Kertustubbar til endurnýtslu

Hevur tú hugsað um, at kertustubbar kunnu endurnýtast? Í hesum døgum finnur tú í øllum FK handlunum eina spann, har tú kanst lata kertustubbar í øllum støddum og litum.

Kertustubbarnir fara til Dugna, har tey smelta stubbarnar, sálda veikir o.a. frá, og stoypa nýggj ljós. Hesi nýggju ljósini verða nýtt til jólaljós hjá Amnesty.

Á hvørjum ári eggjar Amnesty fólki at tendra eitt ljós á altjóða mannarættindadegnum 10. desember at minnast øll tey, hvørs rættindi framvegis eru skerd.

Les meira á heimasíðuni hjá Amnesty.