Øðrvísið vøruúrval í FK

Góðu viðskiftafólk, skipið við vørum til okkara handlar fekk trupulleikar á ferðini, og vendi tí við aftur. Tí koma vørurnar, ið skuldu koma mánadagin ikki fyrr enn hósdagin. Men við verandi goymslum og hjálp frá góðum veitarum í Føroyum, hava vit enn nógvar vørur á hyllunum, so eingin nýtist at ganga svangur.

Hetta er bert aðru ferð seinastu 40 árini, at vit hava upplivað at skipið ikki kom fram. Hetta er tí ein áminning um, hvussu gott okkara samband við umheimin er, og hvussu nógv tað hevur at siga fyri okkum.

Fyri tykkum viðskiftafólk merkir tað, at onkur av tilboðunum ikki eru at fáa fyrr enn fríggjadagin og at onkur vøra hesa vikuna er eitt annað merki, enn tað, ið vit vanliga selja. Eisini eru summar vørur, ið ikki eru at fáa.