Uppskrift: Dunnubringa stokt á pannu við grønmeti og rómasalati

Til tvey fólk

• 2 dunnubringur
• 2 leykir
• 1/2 reyðkál
• roykt salt
• 2 grønkálsbløð
• 2 dl. súreplaløg
• 2 spsk. súreplaedik
• 1 dl. oksabót
• 1 súrepli
• 1 dl. róma
• 1 neva timian

Rómasalat

• 1 reyðkálsblað
• 10 víndrúvur
• 2 stríputar reyðrøtur
• 4 spsk. róma
• 2 spsk. sinnop
• 1 sitrón

Tekur 40 minuttir at gera

Soleiðis gert tú

Sker rivur í skinnið á dunnubringunum. Steik á pannu við skinninum niður. Vend dunnubringuni, tá skinnið er brúnkað, soleiðis at báðar síður verða stoknar. Steik í uml. 10 minuttir.

Sker leykir og reyðkál í helvt. Koyr ikki skalið av leykunum. Steik leykir, reyðkál og smátt skorið grønkál saman við dunnubringunum. Krydda við royktum salti.

Rómasalat

Sker reyðkálið smátt og vend tí saman við víndrúvum, róma, sinnopi, flísum av stríputu reyðrótunum og saft av sitrónini.

Tak grønmetið av pannuni, tá tað er stokt og hevur fingið gylta skorpu.

Tá 5 minuttir eru eftir av steikitíðini, lat súreplaløg, súreplaedik, oksabót, róma, súreplastykkir og frískt timian á pannuna. Gev dunnubringunum eitt upp­kók.

Sker dunnubringurnar í flísar og borðreið við stokta grønmetinum, rómasalatinum og rómasósini av pannuni.