Úrslit frá FK-Cup 2014 hjá teimum vaksnu

So er FK-Cup 2014 liðug á hesum sinni. 22 lið luttóku í kappingini hjá teimum vaksnu í hesum bólkum:

Eikliga kvinnur
Eikliga menn
1. Deild kvinnur
1. Deild menn
2. Deild menn

Kappingin bleiv hildin í Gundadalshøllini og í Høllini á Hálsi.

Heimaliðið gjørdi eitt gott hál og vann 4 av 5 kappingum. Úrslitini vóru hesi:

Hjá Eikliga kvinnunum luttóku hesi lið: Fleyr, KÍF, Dráttur og Mjølnir. Kappingin um 1. plássið stóð millum Fleyr og KÍF, har Fleyr dróg longra stráið við einum 2-0 sigri.

Hjá monnunum í Eik-liga luttóku Fleyr, Mjølnir og U19 landsliðið, sum seinni í oktober skal luttaka í kapping í Ikast í Danmark. Eisini her fór Fleyr við sigrinum.

Hjá kvinnum í 1. deild vunnu Fleyr-kvinnurnar eina spennandi finalu ímóti liðnum hjá SÍ.

Hjá monnum í 1. deild vunnu Fleyr-menn 3-0 á SÍ

Fleyr takkar feløgum og leikarum fyri eina góða kapping. Somuleiðis fara vit at takka stuðli okkara Føroya Keypsamtøka fyri eitt gott samstarv.

Næsta kappingin hjá Fleyr er hjá teimum yngru. Tann kappingin verður leygardagin 15. november. Seinasta freist at melda lið til hesa kapping er 4. november.

Við Flogbólstkvøðu