Vørur aftur á hillarnar

Verkfallið er av, og fyrstu vørurnar eru á veg. Seinnapartin í dag, mánadag 10. juni, fer farmaflogfar úr Billund við fullari last av frukt, grønmeti, osti og øðrum viðskera. Tá verður vøran býtt út til allar seks handlarnar. Arbeitt verður av øllum alvi at fáa vørur við Smyrli í kvøld, soleiðis at handilin í Suðuroy eisini fær vøru í kvøld.

Vøra kemur eisini við farmaskipunum, sum koma í vikuni, og væntandi er alt komið í rættlag aftur, tá vit lata upp hósmorgunin.