Løtt graskersuppa

Onki er sum at eta suppu um heystið. Vit hava funnið hesa lekru, kremutu uppskriftina við hokkaido graskeri. Hokkaido grasker eru føst í tí, og hava ein nøtakendan og søtan smakk. Tí hóska tey seg so væl til matgerð – serliga um heystið, ið er besta árstíðin hjá allari graskerfamiljuni.

Tilfar – til fýra fólk

• 2 hokkaido grasker
• 4 gularøtur
• 4 leykir
• 4 hvítleyksbátar
• 2 tsk spískkumman
• 2 spsk ingifer í flísum
• 2 tsk kilipulvur
• 2 l vatn
• 2 grønmetis bótarmolar
• 1 sitrón
• 4 dl róma ella kokusmjólk
• Salt
• Pipar

Aftrurvið

• Ristaðar graskerkjarnur
• Ristaðar rugbreyðsbitar (crouton)
• Gott breyð

Soleiðis gert tú

Skola graskerini væl, flys tey og sker fylluna í terningar.

Flys gularøtur og sker tær í grovar terningar.

Pilka og hakka leyk og hvítleyk.

Hita eina grýtu við olju til miðal hita, og brúnka grasker, gularøtur, leyk, hvítleyk og rivið ingifer saman við kryddaríum í einar tveir minuttir.

Stoyt vatn og bótarmola í grýtuna og lat kóka í umleið 15 minuttir ella til grønmetið er moyrt.