Rísingreytur við jólakryddi og appelsinsukri

Tilfar

• 2 dl av vatni
• 200 g av greytrísi
• 1 l av bóndamjólk (3,5%)
• 1 kanelstong
• 1 tsk av turkaðari ingifer
• 10 heil kardamummuhylki
• Salt, eftir tørvi

Appelsinsukur

• Rivið skal av einari vistfrøðiligari appilsin
• 4 spsk av sukuri

Vaniljusmør

• 100 g smør
• 1 vaniljustong

Til borðreiðing

• Granatsúreplakjarnur, kokosflykrur ella frísk mango.

Soleiðis gert tú

Kóka helvtina av vatninum upp, koyr greytrísini í og lat smákóka í 2-3 minuttir, meðan tú rørir í.

Stoyt restina av vatninum í grýtuna saman við mjólkini og kryddaríunum. Lat greytin smákóka við lágum hita í uml. 45 minuttir, til greyturin er tjúkkur og rísini moyr. Rør javnan í greytinum, so hann ikki brennur. Smakka til við salti.

Tak heilu kryddaríini úr, og borðreið heita greytin við appilsinsukrinum og vaniljusmørinum.

Appelsinsukur
Blanda sukur og appilsinskal í eina skál. Lat standa í 5-10 minuttir.

Vaniljusmør
Skava kornini úr vaniljustongini og blanda tey upp í smørið. Píska smørið til tað er bleytt.

Prei

Royn ymiskar sitrusfruktir til sukrið. Tú kanst eitt nú kombinera rivið klementin- og sitrónskal.

Leypur greytur av, kann hann nýtast til klattar. Rør tvey egg í og steik klattarnar á pannu. Tú kanst eisini koyra rosinur í, so verða klattarnir saftigari.