Smá bananbreyð við havra

Hesi smáu bananbreyðini eru perfekt sum ein minni ósunnur góðbiti til matpakkan.

Uppskriftin er framleidd av Coop í samstarvi við Gourministeriet.dk, og kann lesast á opskrifter.coop.dk.

Við hesari uppskriftini kanst tú gera 12 smá breyð, sum eru 3×8 cm hvør.

Tilfar

• 4 bananir
• 3 egg
• 150 g havragrýn
• 50 g mandlur
• 25 g smør
• 2 spsk hveitimjøl
• 1 tsk vaniljusukur
• 1 tsk bakipulvur
• 0,5 tsk kardamumma
• eitt lítið sindur av salti
• 40 g sjokuláta

Soleiðis gert tú

Set ovnin á 175 stig við heitari luft.

Blenda havragrýn og mandlur til groft mjøl.

Mosa bananirnar og blanda tær saman við havra- og mandlumjølinum og smeltaða smørinum.

Stoyt hveitimjølið, kardamummuna, bakipulvurið, vaniljusukrið, salt og eggini í. Blanda væl.

Lættast er at koyra deiggið í ein sproytiposa og sproyta í silikoneformar. Tú kanst eisini nýta smáar muffin formar.

Baka bananbreyðini mitt í ovninum í 20-25 minuttir.

Lat tey kølna á eini bakirist, meðan tú hakkar og síðani tempererar sjokulátuna. Fyri at fáa knekk í sjokulátuna, kanst tú smelta helvtina í einum vatnbað, tekur av hitanum og blandar hina helvtina saman.

Stroy flótandi sjokulátuna við eini skeið ella einum sproytuposa oman á bananbreyðini.

Vælgagnist.