Galdandi frá 1. september 2015.
Fyri at fáa lut í limafyrimununum frá FK, mást tú taka undir við:
1) Almennu limatreytunum
2) Samtykkisváttan um skráseting og nýtslu av tínum upplýsingum
1. Almennar limatreytir
Sum limur fært tú fíggjarligar og aðrar limafyrimunir hjá FK og hjá møguligum samstarvspartnarum, ið eru knýttir at FK.
Limaskapur og innliman
Fyri at gerast limur skalt tú vera fylt/ur 18 ár.
Tú gerst limur tá ið tú hevur goldið ásetta innlimingargjaldið í einum av FK-handlunum og hevur skrásett tín limavanga elektroniskt ella við limatekningarfrymli.
Tá tú teknar teg sum lim í FK, fært tú eitt fyribils limaprógv, sum tú straks kanst nýta til at fáa limafyrimunir við. Seinni fært tú sjálvt limakortið sendandi við postinum saman við trimum smærri lyklakortum. Lyklakortini kunnu onnur í húskinum brúka, tá tey fara til handils í FK, og soleiðis eisini fáa limafyrimunir. Tú kanst altíð bíleggja fleiri lyklakort til títt limakort.
Tilknýtishandil
FK-handilin, har tú rindar innlimingargjald, verður av sær sjálvum tín tilknýtishandil.
Tú kanst altíð skifta til annan tilknýtishandil, um tú ynskir tað.
Búskaparligir limafyrimunir
Tú fært limafyrimunir frá FK og møguligum samstarvspartnarum hjá FK sambært teimum til eina og hvørja tíð galdandi reglum og ásetingum, sum tú kanst lesa á www.fk.fo/limir.
Tú hevur rætt til allar almennu limafyrimunirnar hjá FK, uttan mun til, hvønn tilknýtishandil, tú hevur. Onkrir handlar bjóða harumframt staðbundnar fyrimunir, einans til egnar limir. Fyri at fáa limafyrimunir skalt tú altíð minnast til at fáa tíni keyp í FK skrásett sum limakeyp. Vanliga verður hetta gjørt við at limakortið verður skannað ella um limanummarið verður upplýst, tá ið tú keypir.
Tú hevur sjálv/ur ábyrgdina av, at tíni keyp verða skrásett sum limakeyp.
Limaportalur
Tú fært eina persónliga innritingarkodu til at gera tín limavanga lidnan á heimasíðuni www.fk.fo/limir.
Egna vegna eigur tú at hava limavanga tín dagførdan. Hetta kanst tú gera við at útfylla serligt oyðublað, sum er at fáa í tínum FK-handli.
Tú hevur ábygdina av, at innritingarupplýsingarnar ikki verða givnar øðrum óviðkomandi.
Samognarskapur
Sum limur ert tú samognari í FK.
Tín limaskapur er knýttur at tínum tilknýtishandli, tá talan er um limarættarlig viðurskifti.
Limir hava atkvøðurætt og valbæri sambært viðtøkum FK. Viðtøkur FK fáast í handlunum hjá FK ella kunnu takast niður á heimasíðuni www.fk.fo.
Verja av upplýsingum
FK letur ikki triðjaparti tína teldupostadressu. Tú kanst lesa og taka niður dátupolitikkin hjá FK á heimasíðuni www.fk.fo/limir ella við at venda tær til tín FK-handil.
Útmelding
Tú kanst altíð skrivliga melda teg úr FK.
Broytingar í limatreytunum
FK kann broyta limatreytirnar og limafyrimunirnar samsvarandi teimum viðtøkum, ið altíð eru galdandi. Tú kanst lesa tær galdandi limatreytirnar á heimasíðuni www.fk.fo/limir, ella fáa eintak av teimum í tínum FK-handli.
FK kann áseta avgjald tá ið limakort og lyklakort verða umbiðin av nýggjum. Galdandi avgjøld verða kunnaði á www.fk.fo/limir, ella í tínum FK-handli.
2. Samtykkisváttan
Eg samtykki í, at hesar upplýsingar verða skrásettar, tá ið limakort mítt og møgulig lyklakort, ið eru knýtt at tí, verða brúkt at keypa fyri í FK:
• Upplýsingar um persón, húski og áhuga, sum eru latnar, tá limaskapur varð teknaður í FK ella seinni við elektroniskari ella aðrari dagføring.
• Søguligar og framtíðar upplýsingar um keyp av vørum og tænastum í limahandlunum og hjá teimum partnarum, ið eru knýttir at FK, harímillum upplýsingar frá keypskvittanum.
• Tað, sum eg skráseti á heimasíðuni www.fk.fo og øllum øðrum heimasíðum og økisnøvnum hjá FK, umframt teimum teldupostum, ið FK sendir mær.
Eg samtykki í, at skrásettu upplýsingarnar verða brúktar til at:
• rokna út og býta út teir limafyrimunir, sum eru galdandi
• marknaðarføra vørur og tænastur
• menna handlar, vøruúrval og tilboð
• gera marknaðargreingingar og at samskifta við samstarvspartnarar um hetta og aðra kunning, ið ikki verður leidd aftur til einstakar persónar, har skrásetingin og nýtslan av upplýsingum fer fram sum partur av limaskránni hjá FK.
Eg kann til eina og hvørja tíð siga marknaðarføringina frá mær skrivliga ella við at venda mær til mín FK-handil.
