FK-Cup 2023

Flogbóltsfelagið Fleyr og Føroya Keypsamtøka skipa í vikuskiftinum fyri árliga FK-cup, har lið úr øllum Føroyum koma at kappast.

FK-cup er eitt av stóru afturvendandi tiltøkunum í Tórshavn, og hevur kappingin í 34 ár verið byrjunarbríklsið til flogbóltskappingarárið.

FK-cup er eitt stórt tiltak, og er kappingin tískil býtt í tvey. Eitt vikuskifti fyri tey vaksnu og eitt fyri tey ungu og børnini.

Leygardagin 30/9 eru tað tey vaksnu sum skulu í eldin, og verður Høllin á Hálsi karmur um, tá yvir 120 leikarar hittast til ársins fyrstu flogbóltskapping.

Flogbóltsfelagið Fleyr og Føroya Keypsamtøka bjóða øllum vælkomnum til FK-cup, og vit gleða okkum til ein góðan dag við góðum flogbólti.