Heilsugóðir døgurðar hvønn gerðandisdag

Føroya Keypssamtøka bjóðar nú í samstarvi við føðsluserfrøðingin Elsu Sandberg Nielsen kassar við heilsugóðum døgurðamati og uppskriftum til føroysku familjuna.

Tit kenna nokk øll løturnar í iva við kølaran í handlinum, um hvat tit skulu eta í kvøld. Hesum sleppa tit nú undan.

Vit hava sett saman heilsugóðar og fjølbroyttar matskráir, ið tú kanst tekna hald til.

Til ber at velja millum 3, 4 og 5 døgurðar um vikuna og uppskriftir og matkassar verða tillagaði til hvussu nógv fólk tit eru í húskinum.

Vit bjóða matkassar í FK í Fuglafirði, Havn, Hoyvík, Klaksvík, Miðvági og Trongisvági.

Soleiðis gert tú

Á heimasíðuni matbitin.fo meldar tú tykkum til, tú velur hvussu nógvar døgurðar tú ynskir um vikuna, og hvussu nógv tit eru í húskinum. Tú rindar og teknar tær hald.

Tú fært tín egna vanga á heimasíðuni, og hvørja viku verða nýggjar uppskriftir til vikuna lagdar út.

Í tínum FK handli kanst tú hvønn týsdag heinta matkassan, ið er pakkaður til júst tín.

Síðan er bert eftir at fara heim og gera matin.