Panna cotta við ferskusjele

Tilfar

• 2,5 límbløð
• 1 vaniljustong
• 5 dl av róma
• 50 g av sukuri
• Rivið skal av hálvari, vistfrøðiligari sitrón

Panna cotta

Bloyt límbløðini í køldum vatni í umleið 15 minuttir.

Skava kornini úr vaniljustongini og blanda tey við einum sindri av sukurinum.

Stoyt róman, sukurið, vaniljukornini, vaniljustongina og rivna skalið av sitrónini í eina grýtu.

Hita varisliga upp í umleið 10–15 minuttir. Hitin skal liggja um 80 stig, og má endiliga ikki kóka.

Síla rómablandið nakrar ferðir, so tú fært sitrónskalið og vaniljustongina úr.

Stoyt rómablandið aftur í grýtuna og hita tað uppaftur. Vind vatnið úr límbløðunum og blanda tey saman við rómanum, eitt í senn.

Stoyt rómablandið í eina skál og lat kølna eina løtu – tó uttan at tað setur seg. Soleiðis tryggjar tú tær, at vaniljukornini ikki søkka á botn. Tá rómablandið er kølnað til umleið 15 stig, kanst tú stoyta tað í fýra vøkur gløs, ið tú ynskir at borðreiða við. Set gløsini í kulda og bíða umleið fýra tímar.

Tilfar

• 3 límbløð
• 2 ferskur
• 70 g av sukuri
• 1,5 dl av vatni

Ferskusjele

Legg límbløðini á blot í køldum vatni í umleið 15 minuttir.

Flys ferskurnar og sker tær í minni bitar.

Kóka ferskur, sukur og vatn í einari grýtu og lat smákóka í umleið 8 minuttir.

Lat kølna eitt sindur, áðrenn tú blendar til ein fínan siropp. Tak nú 2 dl av siroppinum og stoyt aftur í grýtuna og hita upp.

Vind vatnið úr límbløðunum og blanda tey saman við ferskusiroppinum, eitt í senn.

Lat siroppin kølna. Tá hann er umleið 25 stig, stoytir tú hann í gløsini við panna cotta, so tú hevur hálvan cm av ferskusiroppi í hvørjum glasi.

Preið! Um tú stoytir siroppin á undirsíðuna av einari skeið, fellur hann bleytari á títt panna cotta. Tá fært tú ein hvassari og vakrari kant.

Set nú gløsini aftur í kulda, til sjeleið hevur sett seg.

Pynta gløsini við frískum bløðum av myntu ella sitrónmelissu.